Замын хөдөлгөөний аюулгүй байдлыг хангах зорилгоор Улаанбаатар хотын хөдөлгөөний нягтрал ихтэй газруудад явган зорчигчдод зориулсан гүүрэн гарц барьж эхлээд байгаа.

Өнгөрсөн онд нийслэлийн төсвийн хөрөнгөөр “Бөмбөгөрийн хажууд явган зорчигчдод зориулсан гүүрэн гарц барьж ашиглалтад оруулсан бол энэ жил нийслэлийн төсвийн хөрөнгөөр Хан–Уул дүүргийн 8 дугаар хорооны нутаг дэвсгэрт Төв цэнгэлдэх хүрээлэнгийн баруун талд буюу 120 мянгатын автобусны буудал орчимд,   Сүхбаатар дүүргийн 10 дугаар хорооны нутаг дэвсгэрт 100 айлын орчимд буюу Хүүхдийн 2 дугаар эмнэлгийн автобусны буудлын дэргэд гүүрэн гарц барих юм. Гүүрэн гарцуудыг ирэх тавдугаар сарын 20 гэхэд ашиглалтад оруулахаар төлөвлөжээ.