Монгол улсад барилгын салбар эрчимтэй хөгжиж чадварлаг мэргэжилтэн баг хамт олныг сонгох хамтран ажиллах хэрэгцээ алхам тутамд тулгарч буй. Тэгвэл энэ чиглэлээр үйл ажиллагаа явуулдаг аж ахуй нэгжүүдийн дунд “Интерьер-2014” улсын анхдугаар уралдааныг зохион байгуулах гэж байна.

Уралдааныг энэ сарын 15-наас ирэх  тавдугаар сарын 20-н хүртэл дөрвөн үе шаттайгаар зохион байгуулах бөгөөд уралдаанд “Интерьерийн дизайн болон засал чимэглэлийн шийдэл” гаргах, техник бүтээлч сэтгэхүйтэй 20-оос дээш насныхан таван хүний бүрэлдэхүүнтэй баг бүрдүүлэн оролцох боломжтой.

Уралдааны нэгдүгээр шатнаас 25 шилдэг багийг шалгаруулан телевизийн шоу нэвтрүүлэгт оролцогч болгох замаар бүтээлийг нь олон нийтэд танилцуулах аж. Дараа дараагийн шатны гүйцэтгэх даалгаврыг ивээн тэтгэгч, хамтран ажилласан байгууллагын захиалгаар хийж, бүтээлүүдээр үзэсгэлэн худалдаа зохион байгуулж олон нийтэд сурталчлах юм байна. Түрүүлсэн багийг 10 сая төгрөгөөр шагнах гэнэ.

Уралдааны ерөнхий зохион байгуулагчаар “Жемлайф Аутсорсинг” ХХК, хамтрагч байгууллагаар “ТV5” телевиз, “Бэст буйдан” , Цогц хөгжлийн үндэсний төв, “Монгол экспо”, “Түмэн цамхаг” зэрэг компаниуд ажиллахаар болжээ.

24tsag.mn