ЦЕГ-ын даргын тушаалаар цагдаа, дотоодын цэргийн алба хаагчдын бие бялдрын түвшинг тодорхойлж, хэт таргалалттай алба хаагчдыг сургалтад хамруулж байна.

Тодруулбал, төв орон нутгийн цагдаа дотоодын цэргийн 64 байгууллагын 6285 алба хаагчийг судалгаанд хамруулж  биеийн жингийн индексийг гаргажээ. Улмаар жингийн илүүдэлтэй 1384 алба хаагчийг бие бялдрын зөв хөгжил олгох сургалтад хамруулж байна. Цаашид цагдаагийн байгууллагаас бие бялдрын бэлтгэл хангах, цэрэгжилт, галт зэвсэгтэй зөв харьцах, тусгай хэрэгсэл хэрэглэх ур чадвар олгох, бие хамгаалах, шинжлэх ухааны үндэслэлтэйгээр биеэ хөгжүүлэх, тэсвэр, уян хатан байдлыг хөгжүүлэх сургалтыг уламжлал болгон явуулах ба сургалтыг дэлхийн түвшинд хүргэх зорилгоор гадны сургагч багш урихаар төлөвлөжээ.
Мөн бие бялдрын норматив хангасан, зохиогдсон уралдаан тэмцээнд амжилттай оролцсон алба хаагчдад “Албаны спортын зэрэг” олгох журмыг боловсруулж болзол хангасан алба хаагчдад спортын зэргийн тэмдэг олгож эхэлжээ.