"Буянт -Ухаа" хороололд орон сууц худалдан авах хүсэлтэй иргэдийн бүртгэл энэ сарын 10-наас эхэлсэн. Тэгвэл ТҮЦ машинаар явагдаж байгаа энэхүү бүртгэл өнөөдрийн 18.00 цагаар дуусгавар болох гэж байна.

ТҮЦ машины бүртгэлийн ажиллагаа дууссаны дараа дор дурдсан  мэдээллийг холбогдох эрх бүхий байгууллагуудын мэдээллийн сангаас шүүлт хийн шалгаж, сугалаанд оролцох эрх бүхий хүсэлт гаргагчдын нэрсийн тодруулж, тухайн иргэнд нь мэдээллэх гэнэ.

Засгийн газраас 1 м.кв нь 1.280.000 төгрөг гэж зарласан энэхүү хороололд орон сууц худалдан авах хүсэлтэй иргэд юуны түрүүнд ТҮЦ машинд бүртгүүлэх ёстой. Ингэснээр иргэдийн мэдээллийг бүрэн шалгаж сугалаанд оролцох нэрсийг эцэслэн гаргах бөгөөд үүний дараа сугалааг явуулах хугацаа, журмыг олон нийтэд мэдээллэх юм байна.

Түүнчлэн хэрэв ТҮЦ машины бүртгэл болон 2 дахь шатны нягтлан шалгах ажиллагаагаар үндэслэлгүйгээр бүртгэлээс хасагдсан гэж үзэж байгаа иргэн байвал гомдлоо энэ сарын 30-ний өдрийн дотор ТОСК-ийн Хуулийн хэлтэст бичгээр гаргаж болох бөгөөд Засгийн газрын журмын шаардлагыг бүрэн хангаж байгаагаа нотлох бичиг баримтыг хавсарган ирүүлэх аж.

24tsag.mn