Энэ онд Улаанбаатар хотод таксины зориулалтаар 5 зогсоол шинээр байгуулах юм. Нэг таксийн зогсоолд 3-5 такси зогсох боломжтой байхаар төлөвлөж байгаа бөгөөд ХУД-ийн Жаргалант үйлчилгээний төвийн хойд талд, Баянгол дүүрэг Бичил хорооллын аркны баруун урд, хотын төв рүү чиглэлд, Сонгинохайрхан дүүрэгт Сүлжмэлийн автобусны буудлын зогсоолын ард талбайд, Хар хорин захын урд , Баянзүрх дүүрэгт Сандэй Плазагаас хотын төв рүү чиглэлд тус тус зогсоол хийхээр ажлын зураг гаргажээ.
Таксийн зогсоолын ажлын гүйцэтгэгчээр Нийтийн үйлчилгээний Улаанбаатар нэгтгэл шалгарсан байна. Зогсоол байгуулах ажил 4 сараас эхлэх юм. Мөн энэ онд шинээр 9 байршилд нийтийн тээврийн автобусны зориулалттай талбай гаргахаар газрын асуудлыг шийдвэрлэсэн байна. Автобусны зогсоолуудын байршлыг доорхи хүснэгтээс дэлгэрэнгүй харна уу гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.
Нийтийн тээврийн автобусны зориулалтын талбай гаргах зогсоолуудын жагсаалт
| № | Зогсоолын нэр | Гудамжний нэр | Харьялах дүүрэг, хороо | Зогсоолын төрөл | Зогсоолын зэрэглэл |
| 1 | 1-р байрны дэргэдэх зогсоол /Тээврийн товчоо/ | Үндсэн хуулийн гудамж | Сүхбаатар дүүрэг, 5-р хороо | Дундын зогсоол | II |
| 2 | МҮЭСТО-ийн зүүн талын зогсоол /Тээврийн товчоо/ | Үндсэн хуулийн гудамж | Баянгол дүүрэг, 3-р хороо | Дундын зогсоол | II |
| 3 | Аркны зогсоол | Хасбаатарын гудамж | Баянгол дүүрэг, 12-р хороо | Дундын зогсоол | II |
| 4 | 1000 нэрийн барааны дэлгүүрийн өмнөх зогсоол | Энэбишийн өргөн чөлөө | Баянгол дүүрэг, 15-р хороо | Дундын зогсоол | II |
| 5 | Хилчин хотхон /баруун/ | Баянхошууны зам | Сонгинохайрхан дүүрэг | Дундын зогсоол | II |
| 6 | Хилчин хотхон /зүүн/ | Баянхошууны зам | Сонгинохайрхан дүүрэг | Дундын зогсоол | II |
| 7 | Сутайн буянт” ХХК-ий дэргэдэх зогсоол /хойд/ | Энхтайваны өргөн чөлөө | Сонгинохайрхан дүүрэг, 18-р хороо | Дундын зогсоол | II |
| 8 | Дарь-эх /баруун/ | Дарь-Эхийн гудамж | БЗД | Дундын зогсоол | II |
| 9 | Дарь-эх /баруун/ | Нарны зам | Баянгол дүүрэг, 3-р хороо | Дундын зогсоол | II |
