Нийслэлийн Прокурорын газраас баталсан удирдамжийн дагуу ял эдлүүлэх ажиллагаанд хяналт тавих чиглэлээр Дүүргийн прокурорын газруудаас 2013 оны байдлаар бичсэн прокурорын шаардлагын хууль зүйн үндэслэлийг шалгасан байна.

Дүүргийн прокурорын газрууд ял эдлүүлэх ажиллагаанд хяналт тавих чиглэлээр нийт 68 прокурорын шаардлага бичсэнээс Баянзүрх дүүрэг 7, Чингэлтэй дүүрэг 13, Сонгинохайрхан дүүрэг 9, Баянгол дүүрэг 9, Налайх дүүрэг 12, Сүхбаатар дүүрэг 7, Хан-Уул дүүрэг 7, Багануур дүүргийн прокурорын газар 4 шаардлагыг тус тус бичсэн байна.

Шаардлагыг  ялын төрлөөр болон бичсэн байдлаар нь авч үзвэл,

-Торгох ялын биелэлтийн талаар 7 буюу 10,2 хувийг Баянгол, Чингэлтэй, Сонгинохайран дүүргийн прокурорын газар,

-Тодорхой албан тушаал эрхлэх, үйл ажиллагаа явуулах эрх хасах ялын биелэлтийн талаар 8 буюу 11,7 хувийг Баянзүрх, Чингэлтэй, Хан-Уул, Баянгол, Налайх дүүргийн прокурорын газар шалгалт хийж илэрсэн зөрчилд,

-Албадан ажил хийлгэх ялын биелэлттэй холбогдуулж 8 буюу 11,7 хувийг Налайх, Чингэлтэй, Хан-уул, Баянзүрх, Баянгол, Сүхбаатар дүүргийн прокурорын газар,

-Шүүхээс хорих ялыг тэнсэн хянан харгалзсан болон цагдаагийн байгууллагын хяналтанд байгаа ялтанд хяналт тавих чиглэлээр 28 буюу 41,1 хувийг бүх  дүүргийн прокурорын газар,

-Түр саатуулах, баривчлах байрны үйл ажиллагаа, албадан саатуулж буй үндэслэлийг шалгаж 2 буюу 2,9 хувийг Хан-Уул, Налайх дүүргийн прокурорын газар,

-Хорих ял эдлүүлэх үйл ажиллагаатай холбогдуулж 2 буюу 2,9 хувийг Налайх дүүргийн прокурорын газар,

-Эд хөрөнгө хураах ялын биелэлтийн талаар 10 буюу 14,7 хувийг Хан-Уул, Баянзүрх, Баянгол, Чингэлтэй, Сүхбаатар дүүргийн прокурорын газрууд тус тус бичсэн байна.

Шалгалтын мөрөөр илэрсэн зөрчил, цаашид хийж гүйцэтгэвэл зохих ажиллагааны талаар Дүүргийн прокурорын газруудад “Мэдээлэл” хүргүүлжээ.