Мобиком  корпораци саяхан хот хөдөөгийн салбаруудаас нийлсэн 400 орчим ажилтнаа халсан тухай эх сурвалж мэдээллээ. Ингэхдээ ажилчдадаа гэнэт халагдсаны нөхөн олговор өгөхөөс зайлсхийж, ямар нэгэн шахалт үзүүлж, шалтаг олж шүүмжлэл үзүүлэх зэргээр ажлаас нь чөлөөлж байгаа гэнэ.

Харин зарим нэг ахлах ажилтан буюу өндөр цалинтай ажилчдадаа “Санхүүгийн байдал хүндэрч байна. Чи учир мэдэх хүн учраас өөрийн хүсэлтээр ажлаас халагдах өргөдлөө өгчих. Яахав, эргээд эдийн засгийн байдал сэргэвэл ажил чинь бэлэн байгаа шүү” хэмээн гуйх болсон гэнэ. Гэвч “Мобиком”-ын санхүүгийн байдал тийм ч дор орчихоогүй. Үйл ажиллагаа ч хэвийн байгаа гэдгийг ажилчдад нь хэлж байна.