АНУ-ын Батлан хамгаалахын сайд Чак Хейгел энэ долоо хоногт Азийн орнуудад айлчлахаар болжээ.

Энэ тухай Пентагоны хэвлэл мэдээллийн албаны нарийн бичгийн дарга Жон Кирби “Чак Хейгел Япон, БНХАУ, Монгол Улсад айлчилна. Тэрбээр Батлан хамгаалахын сайдын хувиар БНХАУ, Монгол Улсад анх удаа очих юм” гэсэн байна.

Дээрх айлчлалаас өмнө Чак Хейгел энэ долоо хоногт Хавайд болох АСЕАН-ы орнуудын сайд нарын уулзалтад оролцох юм. Жил бүр болдог уг уулзалтыг АНУ анх удаа зохион байгуулах аж. Үүний дараа тэрбээр эхлээд Япон, дараа нь БНХАУ, хамгийн сүүлд манай оронд айлчлах юм байна.

Сонирхуулахад, сүүлийн 10 орчим жилийн хугацаанд АНУ-ын Батлан хамгаалахын сайд Монголд айлчлаагүй гэнэ.