Нийслэлд шинээр 52 байршилд газар өмчлөх хүсэлтэй иргэдийн бүртгэлийг маргаашнаас эхлэх байсан. Тэгвэл бүртгэл тодорхойгүй хугацаагаар хойшилсон байна.

Энэ талаар Нийслэлийн өмчийн харилцааны газрын Газар өмчлөл, өмчийн менежментийн хэлтсийн дарга Т.Соёлхүү “Иргэдэд өмчлүүлэх газрын байр зүйн зураг, хянан баталгааг нь хийсэн. Харин ерөнхий төлөвлөгөөний газраас хэсэгчилсэн ерөнхий төлөвлөгөө хийж манайд өгөх ёстой. Тэр төлөвлөгөө нь ирсний дараа бид байгууллагын вэбсайтдаа байрлуулж, иргэдийн өргөдлийг авч эхэлнэ” гэв.

Дашрамд дуулгахад 52 байршлаас эхний ээлжинд 10 байршилд газар өгөх аж.

24tsag.mn