Улсын Ерөнхий прокурорын газраас өнгөрсөн сард Улсын Ерөнхий прокурорын газрын албаны орон сууц нийлүүлэх тухай нээлттэй тендер ирүүлэхийг албан ёсоор зарласан бөгөөд 32 хоногийн хугацаатай зарласан уг тендерийг өнөөдөр эцсийн байдлаар хүлээн авч тендер ирүүлсэн оролцогчдын төлөөллийг байлцуулан нээлээ.

Аймаг, сум дунд, дүүргийн 20 прокурорын газарт 26 албаны орон сууц нийлүүлэх тендерт нийт 20 оролцогч материалаа ирүүлсэнээс 4 материал битүүмжлэлгүй буюу тендерийн баримт бичгийн шаардлага хангахгүй ирсэн тул хүчингүйд тооцлоо.

Харин Говьсүмбэр, Өвөрхангай, Ховд, Орхон зэрэг аймгуудад тендерийн материал ирүүлээгүй байна.

Тендерт оролцогчдын хувьд 7-н хуулийн этгээд, 13 иргэн байлаа.

Тендерт ирүүлсэн материал задлах үед зарим оролцогчид тендерийн баталгаа ирүүлээгүй байсан бөгөөд “Төрийн болон орон нутгийн өмчийн хөрөнгөөр бараа ажил үйлчилгээ худалдан авах тухай хуулийн 20,1-д” заасны дагуу 50 саяас дээш өртөгтэй бараа /орон сууц/ нийлүүлсэн тохиолдолд  тендерийн баталгаа ирүүлэхийг шаарддаг юм байна. Тендер нь түүнийг нээсэн өдрөөс эхлэн 45 хоногийн дотор хүчинтэй юм.