ЭМЯ-наас "Эрэгтэйчүүдийн эрүүл мэндийг дэмжих үндэсний стратегийг боловсруулж байгаа билээ. Энэхүү ажлын хүрээнд хоёрдугаар шатлалын бүх эмнэлэгүүд эрэгтэйчүүдийн нөхөн үржихүйн эрүүл мэндийн тасагтай болохоор төлөвлөж байна.

Түүнчлэн тэдгээр тасгуудад ажиллах эрэгтэйчүүдийн эмч мэргэжилтнүүдийг бэлтгэх ажлыг зохион байгуулах юм.

Одоогоор манай улсад эрэгтэйчүүдийн кабинеттэй нэгдсэн эмнэлэг огт байхгүй бөгөөд үндэсний хэмжээнд хэрэгжих дээрх стратегийн тусламжтайгаар эрчүүдийн эрүүл мэндийн талаарх ойлголт, тавих анхаарал, хандлага зэрэгт ахиц дэвшил гарна гэдгийг салбарынхан онцоллоо.