Сэлэнгэ аймгийн прокурорын газраас 2014.03-р сарын 03–ны өдөр гэмт хэргээс урьдчилан сэргийлэх, прокурорын байгууллагын үйл ажиллагааг сурталчилах, мэдээллэх чиглэлээр орон нутгийнхаа бүх сумыг хамруулан ажиллах хөтөлбөр төлөвлөгөөг боловсруулан Сүхбаатар сумаас бусад сумдад ажиллаж дууссан байна.

Хөтөлбөрийн дагуу Сэлэнгэ аймгийн Алтанбулаг, Шаамар, Зүүнбүрэн, Цагааннуур, Түшиг, Хушаат, Жавхлант, Хүдэр, Ерөө сумын ард иргэд, албан хаагч нартай уулзаж Прокурорын байгууллагаас баримталж буй бодлого чиглэл, Прокурорын байгууллагаас өнгөрсөн онд хийсэн ажлын талаар мэдээлэл өгч, тухайн сум орон нутагт үйлдэгдэж байгаа гэмт хэргийн гаралтын шалтгаан нөхцөл, гэмт хэргээс урьчдчилан сэргийлэх чиглэлээр ямар ажлыг түлхүү хийвэл зохистой, хэсгийн төлөөлөгчөөс явуулж байгаа үйл ажиллагаа хурдан шуурхай иргэдийг чирэгдүүлэхгүй  байх  талаар иргэдээс судалгаа авах хэлбэрээр ажиллажээ.

Сум орон нутгийн иргэдээс прокурорын байгууллагаас санаачлан гэмт хэргээс урьдчилан сэргийлэх болон байгууллагын үйл ажиллагааны талаар мэдээллэж байгаа явдлыг сайшаан, хүүхэд өсвөр насныханд сургалт сурталчилгааг байнга явуулах, иргэдийн санал бодлыг сонсож, сонирхсон асуултанд тодорхой хариулт өгч байгааг талархан хүлээж авсан ба орон нутгийн удирдлагуудтай холбоотой  зарим асуудлыг холбогдох албан тушаалтанд шийдвэрлүүлэхээр хүргүүлсэн байна.

Аймгийн прокурор Г.Чагдар орон нутгийн Миний Монгол телевизд ярилцлага өгч нийт иргэдэд гэмт хэргээс урьдчилан сэргийлэхийн ач холбогдлыг тодорхой жишээн дээр тайлбарлан ярьж улмаар 2014 оны 04 сарын 02-12 ны хооронд орон нутагт зохион байгуулагдах “Шүүх эрх мэдлийн шинэтгэлийн хөтөлбөр“–ийн хүрээнд зохион байгуулагдах Хууль сахиулах байгууллагуудын хамтарсан зөвлөгөөний зорилго, зорилтын талаар ярьж сурталчилсан байна.