Үндэсний аялал жуулчлалын “Best Travel Mongolia” компаниас логоны загвар шалгаруулах уралдааныг мэргэжлийн дизайнер, зураач, оюутнуудын дунд зарлалаа. “Best Travel Mongolia” компани нь шинээр байгуулагдаж буй аялал, жуулчлалын үндэсний компани юм. Логоны уралдаанд шилдэгээр шалгарсан бүтээл нь цаашид тус компанийн таних тэмдэг болно. Тиймээс шилдэг ганцхан бүтээлийг шалгаруулж нэг сая төгрөгөөр шагнаж, урамшуулах аж.

Уралдаанд тавигдах шаардлага

1  Лого нь үндэсний соёл болон орчин үеийн хэв шинжийг хослуулсан байх.

2. Компанийн үйл ажиллагааны онцлогыг харуулсан байх.

3. Ойлгомжтой өгүүлэмж бүхий гурваас дээшгүй элемент агуулсан, хоёроос олонгүй өнгө хосолсон утга агуулга, уран сайхны хувьд төгс бүтээл байх.

4. Логонд “Best Travel Mongolia” гэсэн компаны нэр орсон байх ба Endless adventure & Authentic experience гэсэн уриа үгийг нэмж оруулж болно.

5. Компьютер ашиглан график дизайны программуудын аль нэг дээр хийгдсэн байх.

6. JPEG өргөтгөлөөр хадгалсан нэг файл болон логоны загварыг хийж гүйцэтгэсэн програмын өргөтгөлөөр хадгалсан нэг файл байх.

7. Логоны утга санааг А4-н хэмжээтэй цаасны нэг нүүрэнд багтаан тайлбарлан компьютер дээр шивж бичсэн байх.

8. Лого нь маш өндөр нягтралтай (300 dpi дээш ) байх.

9. Логоны дизайн нь хар цагаан болон өнгөт гадаргуун дээр байршуулах боломжтой байх ба жижгээс том хүртлэх хэмжээг өөрчилж болхоор байх.

10. Лого нь интернэт, CD-ROM, ТВ, видео, сурталчилгааны самбар, сонин сэтгүүл, албан бланк, ил захидал, сурталчилгааны материал, зурагт хуудас, дугтуй, даавуун болон бусад бүх материалууд дээр зохимжтой хэвлэгдэх боломжтой байх.

11. Логог Англи хэл болон Монгол хэл дээр гэсэн хоѐр хувилбараар ирүүлэх.

12. Бусад логоноос хуулбарласан, аль нэг хэсгийг авч ашигласан болон зохиогчын эрхийг зөрчихгүй байх.

Уралдаанд оролцох бүтээлийг энэ сарын 18-ны өдрийн 17.00 цаг хүртэл tourism_manager@lsm.mn хаягаар болон Кѐкүшю Цамхаг, 402 тоотод хүлээн авна. Уралдаанд оролцогчид овог нэр, холбоо барих утас болон и-майл хаягаа хавсаргах шаардлагатай. Шилдэг бүтээлийг хүлээн авсанаас хойш ажлын долоон өдөрт багтаан шалгаруулж холбогдох хаягаар мэдэгдэх аж. Холбоо барих утас 99016046,70146036