Нийслэлийн Засаг даргын захирамжаар Соёлын төв өргөөнд нэмэлт балетын тайз байгуулахаар болжээ.

Энэ нь өнгөрсөн онд Нийслэл,  Монголын Балетын хөгжил сантай хамтран ажиллах санамж бичиг  байгуулсантай холбогдуулан хийж байгаа ажил бөгөөд тус сан нь олон нийтэд сонгодог бүжгийн урлагийг сурталчилж, залуу уран бүтээлчдийг бэлтгэн, дэмжиж олон улсын тэмцээн наадмыг эх орондоо зохион байгуулах зорилготой юм.

Соёлын төв өргөөнд шинээр байгуулах балетын тайз болон бусад шаардлагатай тоног төхөөрөмжийг соёл урлагийг дэмжигч аж ахуйн нэгж, байгууллагуудын хандив, тусламжийн хөрөнгөөр  бий болгох юм.