Дүүргийн 2 дугаар прокурорын газрын хяналтын прокурор П.Зориг, Дүүргийн Мэргэжлийн хяналтын хөдөлмөрийн эрүүл ахуйн хяналтын улсын байцаагч М.Туяа, эрүүл мэндийн  хяналтын улсын ахлах байцаагч Д.Соёлмаа нар хамтран Баянгол дүүрэг дэх цагдаагийн 1 дүгээр хэлтсийн түр саатуулах байрны үйл ажиллагаа, ахуй нөхцлийг 2014 оны 03 дугаар сарын 07-ны өдөр шалгаж,  шалгалтын дүнг Дүүргийн прокурорын дэргэдэх Зөвлөлийн хуралдаанаар 2014 оны 03 дугаар сарын 27-ны өдөр хэлэлцүүлсэн байна.

Шалгалтын явцад хэмжилт хийсэн дүнг хөдөлмөрийн аюулгүй ажиллагаа, эрүүл ахуй, ажлын байрны орчин, эрүүл ахуйн шаардлага “МNS 4990:2000 стандарттай харьцуулж үзэхэд байгалийн гэрэлтүүлэг тусах боломжгүй, агааржуулалтын систем байхгүй зэрэг ноцтой зөрчил илэрсэн тул түр саатуулах байрны үйл ажиллагааг зогсоохоор шийдвэрлэжээ.