Төрийн өмчийн хороо "Их тэнгэр" цогцолборын 24 дүгээр байрыг "Номин холдинг" ХХК-д түрээсэлдэг. Тэгвэл саяхан болсон ТӨХ-ны хурлаар тус компанитай хийсэн гэрээг цуцалж, обьектыг төрийн өмчид буцаан авах шийдвэр гаргасан байна.

Тус байр нь манай улсад айлчилж буй гадны зочид төлөөлөгчдийг хүлээн авдаг байр байсан бөгөөд "Номин холдинг" ХХК түрээсэлж байх хугацаандаа холбогдох хууль дүрмийг удаа дараа зөрчсөн аж.

Түүнчлэн "Номин холдинг" ХХК уг байрыг түрээслүүлнэ гэсэн зарыг хэвлэл мэдээллийн хэрэгслээр түгээж байгаа нь хууль эрх зүйн талаас боломжгүй зүйл гэдгийг ТӨХ-ноос мэдэгджээ.