ЦЕГ-ын харъяа Замын цагдаагийн газраас жил бүрийн дөрөвдүгээр сар 9-ны өдрийг “Хүүхдийг зам тээврийн ослоос урьдчилан сэргийлэх өдөр” болгосонтой холбогдуулан хэвлэлийн бага хурал хийлээ.

Тэд энэхүү өдрийг тохиолдуулан "Намайг хайрлаач" хэмээх арга хэмжээг ЕБС-иудтай хамтран зохион байгуулахаар болжээ.

Энэ үеэр томчууд, жолооч нарт дуу хоолойгоо хүргэх зорилготой ХҮҮХДИЙН ЖАГСААЛ болон  зам тээврийн ослын улмаас амь насаа алдсан хүүхдүүдийн гэгээн дурсгалыг хүндэтгэж ГЭРЭЛТ ЗУЛ ӨРГӨХ юм.

Өнгөрсөн онд зам тээврийн ослын улмаас 37 хүүхэд амь насаа алдсан бөгөөд маргаашийн арга хэмжээний үеэр 37 сурагчын ширээ сандал засч жилд нэг ангийн хүүхдүүдтэй тэнцэхүйц тооны хүүхэд зам тээврийн ослоор амь насаа алдаж байгааг харуулах аж.

Түүнчлэн маргааш эцэг эхчүүдийг хүүхдүүдэээ сургуульд нь хүргэж өгч замын хөдөлгөөнд оролцохдоо аюулгүй байдлаа хэрхэн хангах талаар зааж зөвлөхийг ЗЦГ-аас уриаллаа.

Арга хэмжээ маргааш 12.00 цагт Эрх чөлөөний талбайд болно.