15:00 цагт “Хөдөлмөрийн аюулгүй байдал, эрүүл ахуйн сарын аян”-ы хүрээнд дүүргийн хэмжээнд үйл ажиллагаа явуулж буй аж ахуйн нэгжүүдийг “АПУ” ХК-ийн хөдөлмөрийн аюулгүй ажиллагааны туршлагатай танилцуулах, харилцан туршлага солилцох, холбогдох хууль тогтоомжийг сурталчлах, байгууллагуудад гарч байгаа үйлдвэрлэлийн ослыг бууруулах, түүнээс урьдчилан сэргийлэх, хөдөлмөрийн аюулгүй байдлыг хангах, мэдээлэл, зөвлөгөөг өгөх сургалт “АПУ” ХК-д болно.

12:00 цагт Монголын үйлдвэрчний эвлэлийн холбоо, Монголын ажил олгогч эздийн нэгдсэн холбооноос УИХ-д сонордуулга хүргүүлсэнтэй холбогдуулан хэвлэлийн бага хурал хийнэ.

10:00 цагт Монгол Улсын хүн амын дундах сүрьеэгийн тархалтын түвшин тогтоох судалгааны нээлт Сүхбаатар дүүргийн 18 хорооны өрхийн эмнэлэгт болно.

10:00 цагт ЦССҮТ-өөс нийт төрийн захиргааны төв байгууллагуудын ажилтан, албан хаагчдын дунд зарласан “Цусны донор болж амьдрал бэлэглэе аян”-д Эрүүл мэндийн сайд Н.Удвал болон Эрүүл мэндийн яамны хамт олон нэгдэж, ЦССҮТ-д очиж, цусаа бэлэглэнэ.