Баянзүрх дүүрэг Монголын нутгийн удирдлагын холбоо, Авлигатай тэмцэх
газар, Азийн сантай хамтран дүүрэг болон хороодынхоо Иргэд нийтийн
хурлын дарга, Эрүүл мэндийн нэгдэл, сургууль, цэцэрлэгүүдийн захирал,
эрхлэгч нарын дунд авлигын эсрэг сургалт, хэлэлцүүлгийг зохион байгуулж
байна. Энэ сургалтаар “Авлигын эсрэг хууль”, “Нийтийн албанд нийтийн
болон хувийн ашиг сонирхлыг зохицуулах, ашиг сонирхлын зөрчлөөс
урьдчилан сэргийлэх тухай” хуулиудыг сурталчилж байгаа бөгөөд АНУ-ын
Азийн сангийн санхүүжилтээр хэрэгжүүлж эхлээд байгаа “Монгол Улсад
Засаглал, Ил тод байдлыг дэмжих төсөл”-ийн хүрээнд хийгдэж буй 2 дахь
удаагийн сургалт юм. Өмнөх сургалт-хэлэлцүүлгээс хорооны тодорхойлолт
авахад иргэдийн төлдөг байсан 100 төгрөгийг болиулсан бодитой үр дүн
гарсан юм.Дүүргийн хэмжээнд “Авлигын эсрэг хууль”, “Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай” хуулиудыг сурталчлах, хэрэгжүүлэх ажлыг зохион байгуулах ажилд иргэд, олон нийтийн санал бодлыг тусгаж, үр дүнг нь тухай бүр тооцож ажиллах зорилттой. Иргэдэд хамгийн ойрхон үйлчилгээг өдөр тутам үзүүлж байдаг ч, авлигад автсан гэж шүүмжлэлд өртдөг байгууллагуууд бол эмнэлэг, цэцэрлэг, сургууль байдаг. Тиймээс ч дүүргийнхээ дээрх байгууллагын удирдлагуудыг энэ сургалт-хэлэлцүүлэгт оролцуулснаар, авлигын эсрэг бодитой үр дүн гарна гэж үзэж байгаа юм.
