"Иргэдийн шударга шүүх"  ТББ-аас Х.Тэмүүжин сайдыг эсэргүүцэж байгаагаа албан ёсоор мэдэгдлээ. Өмнө тус төрийн бус байгууллагын тэргүүн Х.Бат-Ялалт Х.Тэмүүжинг огцруулах хүмүүсийн талд зогсож байгаагаа илэрхийлж байсан. Х.Бат-Ялалтын хэлж буйгаар "Хууль зүйн салбарын шинэчлэл нэрээр Цагдаагийн байгууллагын бүтэц зохион байгуулалтыг өөрчлөн аливаа төрлийн гэмт хэрэгтэй тэмцэх чадварыг бууруулж, хуулийн байгууллагуудыг улс төрийн албан тушаалтнаас шууд хараат болгон улмаар хуулийн байгууллагын тогтвортой үйл ажиллагааг алдагдуулж байгааг эсэргүүцэж байгаагаа мэдэгдэж байна. Мөн Хууль зүйн сайд Х.Тэмүүжинг хүүхдээ хууль бусаар үрчилсэн, өндөр үнэтэй эмнэлгийн тоног төхөөрөмжийг устган төсөвт хохирол учруулсан, эх орноосоо урван гадаад улсын тагнуулын байгууллагатай холбоо тогтоосон, хар тамхи, мансууруулах бодистой нэр холбогдсон, Үндсэн хууль, хүний эрхийг зөрчсөн хууль тогтоомж санаачилсан гэх мэт үндэслэлүүдээр Монгол улсын Их хурал, Монгол улсын Засгийн газрын гишүүнээс эгүүлэн татаж хуулийн байгууллагаар нэн даруй шалгуулах нь зүйтэй гэж үзэж байна. Тиймээс миний бие биеээ тоосон, хууль зөрчсөн, гэмт хэрэгт холбогдсон Хууль зүйн Сайд Х.Тэмүүжинг огцруулах, Монгол улсын төрөөс зайлуулахаар тэмцэхээр шийдсэнээ албан ёсоор  мэдэгдэж байна" гэв.