Сайн дурын үйл ажиллагаа явуулдаг төрийн бус байгууллага болоод "Фэйсбүүк" грүппын залуус Сэлэнгэ аймгийн хүсэл биелүүлэгч "Ээж мод”-ны ойр орчиныг цэвэрлэх аяныг зохион байгуулах гэж байна.    Энэ талаар 247 /фэйсбүүк/ группынхнээс тодруулахад "Манай группын залуус нийгмийн хариуцлагыг хэрэгжүүлэх үүднээс олон арга хэмжээ зохион байгуулдаг. Энэ нь бид ярихаас илүү бодит байдлаар залуусыг үлгэрлэн зөв төлөвшилийг бий болгоход өчүүхэн ч гэсэн хувь нэмрээ оруулахыг зорьж байгаа хэлбэр юм. Аялалын тухайд нэгдүгээрт агаарт гарах, хоёрдугаарт хүмүүсийн сүсэглэн бичирдэг хүсэл биелүүлэгч модны ойр орчимыг цэвэрлэж байгаль эхдээ туслах үндсэн зорилготой. Гуравдугаарт салбар бүрийн олон залуус энэ аялалд нэгдэж байгаа болохоор нөхөрлөлийн хүрээллээ тэлэх дэм дэмэндээ дээс эрчиндээ гэдэг үгийн утгаар нэгдээд байгаа юм. Уг арга хэмжээг дэмжин оролцож байгаа залуусдаа баярлалаа сэтгэл өндөр байна" гэв.