Монгол Улсын Прокурорын байгууллагын нийт прокурор, ажилтнуудын дунд  уламжлал олон зохиогддог спортын анхдугаар тэмцээнийг 2014 онд 2 үе шаттайгаар явуулах тухай нэгдсэн удирдамжийг Улсын Ерөнхий Прокурорын орлогч ,Төрийн хууль цаазын шадар зөвлөх Ц.Бямбацогт саяхан баталсан байна.

Тэмцээний эхний  шатыг бүсчилж, хоёрдугаар шатны тэмцээнийг шигшээ /финальт/ хэлбэрээр Аймаг, Нийслэл, Тээвэр, дүүргүүдийн прокурорын газруудыг 7 бүсэд хувааж явуулахаар удирдамжид тусгасан бөгөөд сагсан бөмбөг, гар бөмбөг, биллярд, теннис, шатар, даам гэсэн спортын 6 төрлөөр зохион байгуулахаар шийдвэрлэжээ.

Бүсийн тэмцээнийг 2014 оны 5 дугаар сарын сүүлийн арав хоногийн аль нэг өдрүүдэд, шигшээ тэмцээнийг  2014 оны 11 дүгээр сард Улаанбаатар хотод зохион байгуулах бөгөөд шигшээ тэмцээнд бүсийн тэмцээнд оролцсон баг, тамирчдаас шигшиж тухайн спортын төрөлд нэг баг оролцох юм.

Бүсийн тэмцээнд эхний 3 байр эзэлсэн баг,  тамирчдыг медаль, өргөмжлөл үнэ бүхий зүйлээр, шагнахаас гадна, нийт оноогоор тэргүүн байр эзэлсэн байгууллагыг шалгаруулж аваргын шилжин явах цом, өргөмлөл, мөнгөн шагнал, 2,3-р байр эзэлсэн газрыг өргөмжлөл, мөнгөн шагналаар, 4, 5 байранд шалгарсан байгууллагыг өргөмжлөлөөр шагнахаар тэмцээнийг  зохион байгуулах комиссоос шийдвэрлээд байгаа ажээ.