Тус дүүрэг нь  www.smartcity.mn цахим өргөдөл гомдлын системээр дамжуулан  Баянзүрх дүүргийн  Засаг даргын Тамгын газарт  2013.10.01-ны өдрөөс 2014.03.31 хүртэлх  хугацаанд нийт 6 эх үүсвэрээр буюу Call center-1200 тусгай дугаарын утсаар 286, ub1200.mn цахим хуудсаар 20, Засгийн газрын 11-11 төвөөр 327,  Иргэдийг хүлээн авах төвөөр 8, дүүргийн тамгын газар болон Засаг даргад хандсан өргөдөл 333, Ухаалаг утас Smart / UB /-аар-2буюу нийт 976 өргөдөл, хүсэлт, санал, гомдол, талархал, шүүмжлэл ирсэн. Иргэдээс ирүүлсэн эдгээр 976 өргөдөл, хүсэлтийн 893  буюу 91,5 %-ийг нь шийдвэрлэжээ. Шийдвэрлэх шатандаа 81 өргөдөл, хугацаа хэтэрсэн 2 өргөдөл бүртгэгдсэн  байна.
Иргэдээс хандсан эрэлт хүсэлтийн дийлэнх нь хог цэвэрлэгээ тээвэрлэлт, хороодын үйл ажиллагаа, гэрэлтүүлэг чимэглэл,  Сууц өмчлөгчдийн холбоодын үйл ажиллагааны тухай болон  Асран хамгаалагч харгалзан дэмжигч тогтоох тухай зэрэг  асуудлуудаар хандсан байна.

Төрийн байгууллага албан тушаалтанд гаргасан  өргөдөл гомдлыг хуулийн хугацаанд хянан шийдвэрлэж, хариу өгдөг журмыг хэрэгжүүлэх, хэвшүүлэх зорилгоор    7 хоног , сар тутамд   шийдвэрлэгдээгүй  өргөдлийн дүн мэдээг удирдлагад танилцуулан   мэдээг  тухайн газар хэлтсийн бичиг хэрэг хариуцсан ажилтанд өгч, дурдсан хугацаанд иргэний  хүсэлтийг барагдуулах талаар  хугацаатай шаардлага хүргүүлж  ажиллаж байгаа юм.

Харин байгууллага дээр бүртгэгдсэн өргөдөл гомдлын шийдвэрлэлтийн байдалд тогтмол хяналт тавьж , дүн шинжилгээ хийх үүднээс улирал тутам байгууллагын зөвлөлийн хурлаар хэлэлцүүлж  холбогдох арга хэмжээг тухай  бүр авч ажиллах талаар төлөвлөгөөнд тусган ажиллаж байна.