Улсын тусгай хамгаалалттай газар нутгийн Хамгаалалтын захиргаанаас Увс нуурын ай савыг хамгаалах шийдвэр гаргажээ. Үүний хүрээнд Увс аймгийн Байгаль орчны газар, Цагдаагийн хэлтэс, Онцгой байдлын хэлтэс, Тагнуулын газар, Ус цаг уур орчны шинжилгээний алба, Увс нуур, Тэс голын сав газрын Хамгаалалтын захиргаа, Хилийн цэргийн 0245, 0311 дүгээр ангиудтай хамтран ажиллах гэрээ байгуулсан байна.

Талууд байгаль орчныг хамгаалах тухай, Тусгай хамгаалалттай газар нутгийн тухай болон Орчны бүсийн тухай хууль тогтоомжийг хэрэгжүүлэх, тусгай хамгаалалттай газар нутгийн хамгаалалтыг сайжруулах, хамгаалалтын горимыг хангахад төлөвлөгөө гарган хамтран ажиллах юм.