Их, дээд сургууль, коллежид элсэгчдийн ерөнхий шалгалтын бүртгэл өнөөдөр оройн 18:00 цагт дуусгавар болно.

Энэ жилийн хувьд урьдчилсан байдлаар 38 мянга орчим хүүхэд бүртгүүлэх тооцоо байгаа юм байна. Үүнээс хойш бүртгэлийн хугацааг сунгахгүй, нэмэлт бүртгэл хийхгүй гэдгийг Боловсролын үнэлгээний төвөөс анхааруулж байна.

Шалгуулагч нар нийт 10 хичээлээр шалгалт өгнө. Тодруулбал, монгол хэл, англи хэл, орос хэл, математик, физик, хими, биологи, газарзүй, Монгол Улсын түүх, нийгмийн тухай мэдлэг хичээлүүдээс сонгон шалгуулах юм.