Нийслэлээс авсан авто зам, барилга байгууламжийн ажлаа дутуу хийсэн, геологи хайгуулын дүгнэлтийг буруу гаргасан болон гэрээгээр хүлээсэн үүргээ биелүүлээгүй гүйцэтгэгч аж ахуйн нэгж, байгууллагуудын жагсаалт гарсан билээ.

Тэгвэл энэ удаа геологи хайгуулын дүгнэлтийг буруу гаргасан аж ахуй нэгжүүдийг танилцуулъя.

1. "ЖОНШТ -УУЛ" ХХК - "Гурван хажинга трейд" ХХК-ийн БЗД-н 24-р хорооны нутаг дэвсгэрт цагаан давааны төвлөрсөн хогийн цэгийн оффис, граж уурын зуухны барилга

Зөрчил:

Тус ажлын газар шорооны ажил эхлэх үед хадан хөрс илэрсэн.  Тодруулбал  Барилгын инженер хайгуулын  "Жоншт- Уул" ХХК нь тус барилгыг барих талбайн инженер геологийн судалгааны дүгнэлтэд шавранцараар чигжигдсэн хайр хайрган хөрс гэж буурь хөрсийг буруу тодорхойлсон ба газар шорооны ажил гүйцэтгэх явцад буурь хөрс нь хадан хөрс байсан тул зураг төсөлд тусгагдаагүй нэмэлт ажил хийгдэж их хэмжээний зардал гарсан ба хугацаа хойшилсон. Тухайн нөхцөл байдалд геологич нь зургийн зохиогч болон захиалагч талтай хамтран оновчтой шийдэл гаргаагүй.

2. "БАР ИНЖ ГЕО" ХХК - "Мот металл" ХХК-ийн  БЗД-ийн 27-р Хороо, өрхийн эмнэлэг, цагдаагийн хэсгийн нэгдсэн байрны барилга байгууламж

Зөрчил:

Геологийн дүгнэлтийг буруу гаргасан, хөрсний ус их хэмжээгээр гарч , ажил гүйцэтгэхэд хүндрэл үүссэн. Улсын байцаагчийн 2013-12-02-ны 02-07-79/1886 тоот дүгнэлт гарсан.

3. "ТАВАН ҮНДЭС" ХХК  - "Бридж-констракшн" ХХК-ийн Бохир усны Туул-1  коллектор ажил.

Зөрчил:

Геологийн дүгнэлтийг буруу гаргасан, хөрсний ус их хэмжээгээр гарч , ажил гүйцэтгэхэд хүндрэл үүссэн.