24tsag.mn сайт нийслэлээс авсан авто зам, барилга байгууламжийн ажлаа дутуу хийсэн болон геологи хайгуулын дүгнэлтийг буруу гаргасан компаниудыг хүргэсэн билээ. Тэгвэл энэ удаа гэрээгээр хүлээсэн үүргээ биелүүлээгүй гүйцэтгэгч аж ахуйн нэгж, байгууллагуудыг танилцуулах гэж байна. Жагсаалтад ажил нь зогссон Сэлбэ голын урсацыг сайжруулах төсөл тэргүүтэй 12 компани багтжээ. Үүнд:

1. "Санко энерго строй" ХХК - Тус компани хоёр удаа ажилд үүргээ биелүүлээгүй

А. СБД, 17-р хороо 75 ортой хүүхдийн цэцэрлэгийн барилга байгууламж барих угсралтын ажил /159-р цэцэрлэг/

Зөрчил:  Ашиглагч байгууллагаас  Нийслэлийн Дотоод аудитын албанд- нд 2014 оны 4 дүгээр сарын 14 ний 18 дугаар албан бичгээр  гомдол ирсэн.

Ажлыг хүлээн авсан улсын комиссын бүрэлдэхүүнд ажилласан албан тушаалтан:  Дарга Ж.Мөнх-эрдэнэ, Нарийн бичгийн дарга Т.Цогбадрах, Гишүүд Н.Насанжаргал /НМХГ/, Ж.Нэргүй /НМХГ/ Ж.Цэрэнжамц /НМХГ/, Д.Бат-Өлзий /НМХГ/, Б.Батзоригт / НМХГ/, С.Зоригсайхан /НМХГ/, Эрдэнэтуяа /НБХБТ/, Б.Баттулга /НОБХ/, Ц.Нямгэрэл / УСУГ /, Ж.Баясгалан /ГХБТЗЗГ/, О.Тунгалаг /ҮТА/

Б.   СБД-ийн 6-р хорооны 14-р цэцэрлэгийн барилга байгууламж барих угсралтын ажил

Зөрчил: Шалгаруулсан үнэлгээний хорооны сонгон шалгаруулалт оновчгүй болсон.

Ажлыг хүлээн авсан улсын комиссын бүрэлдэхүүнд ажилласан албан тушаалтан:  Дарга Б.Лхагважав /НХОГ/,  НБД Т.Цогбадрах, Гишүүд С.Зоригсайхан /НХОГ/ Б.Тамир /НХОГ/ Л.Мягмарсүрэн /НХОГ/ Я.Одгэрэл /НӨХГ/ Я.Алтанцаг /НАГ Ч.Тунгалаг / зураг/ Ц.Лхагвасүрэн /НОБГ/ Д.Адъяасүрэн /СБД/ Г.Энхболд /ашиглагч/

2. "Өгөөмөр зам" ХХК - Залуучуудын өргөн чөлөөний 0.9 км замын шинэчлэлт

Зөрчил:   Байгалийн түүхийн музейн уулзварын замын ажлын зардал энэ гэрээт ажилд орсон ба харин түүний доорхи дулааны шугам сүлжээний шинэчлэлтийн ажлын зардал нь Сүхбаатарын гудамжны 2 км авто замын өргөтгөл шинэчлэлтийн ажилд орсон учраас гэрээт ажил хугацаанд   хийгдэж дуусаагүй тул гэрээ сунгагдсан болно. Сүхбаатарын гудамжны 2 км авто замын өргөтгөл шинэчлэлтийн ажил 2012 оны 5 дугаар сараас 10 дугаар сар хүртэл хэрэгжүүлэхэд   Байгалийн түүхийн музейн уулзварын замын ажил бүрэн хийгдэж дууссан. Баригдсан замаа Өгөөмөр зам ХХК комисст хүлээлгэж өгөх талаар ажиллахгүй байсаар  2013 онд    удаа дараа шаардсанаар 2014.01.08-нд байнгын ашиглалтанд хүлээж авах комисс ажиллуулсан. Өгөөмөр зам ХХК--ний буруутай үйл ажиллагаанаас болж өнөөдрийг хүртэл байнгын ашиглалтанд хүлээж авах комиссын акт гараагүй байна.

3. "Хотын зам" ХХК - БЗД Их тойруу Сансарын тунелийн явган хүний нүхэн гарцын барилгын ажил.

Зөрчил:    Ажил бүрэн дуусч 2013-12-27-нд Улсын комисст хүлээлгэн өгсөн. Баталгаат хугацаа дуусаагүй байгаа. 2 удаа эвдрэл гарсныг компани өөрийн хөрөнгөөр зассан.

Ажлыг хүлээн авсан улсын комиссын бүрэлдэхүүнд ажилласан албан тушаалтан: Т.Эрдэнэтуяа, М.Дунгармаа, Э.Мөнхсүх, Т.Оргил-Эрдэнэ, Ж.Цэрэнжамц, Д.Батжаргал, О.Тунгалаг, Н.Магсар, Л.Өлзийсайхан, Б.Энхтайван, Б.Эрхэмбаяр, Б.Атарбаяр, Б.Хадаа, М.Бямба, Э.Бат-Эрдэнэ, Ч.Батсайхан

4. "Интекоинженеринг" ХХК  - 12-р хороонд "Жанжин хүүхэд залуучууд"-ын цэцэрлэгт хүрээлэн байгуулах.

Зөрчил: Ажлыг хүлээлгэж өгөх хугацаа 2013.07.30-нд дууссан ч одоог хүртэл ажлаа дуусгаж, хүлээлгэж өгөөгүй байгаа.

5. "Голланд байшин" ХХК  - СБД-ийн 15-р хорооны Ахмадын сувиллыг өргөжүүлэх өвлийн барилга байгууламж барих ажил.

Зөрчил: Барилга угсралтын ажил 2012.01.26-ны өдөр Барилгын ажлыг зогсоож, хөндлөнгийн шинжээчээр Хөрөнгийн үнэлгээний төв ХХК ажиллаж, уг барилгын ажлын тоо хэмжээ, санхүүжилтийг хянан үзэж, 287.7 сая төгрөгийн нэмэлт хөрөнгө шаардлагатай гэж дүгнэсэн.

6. "Норбу" ХХК, "Шимт газар" ХХК-ий түншлэл  - Сэлбэ голын урсацыг нэмэгдүүлэх, эргийн дагуу тохижилтын ажил /эхний шат/

Зөрчил:    Гэрээний хугацаа хэтэрсэн. 2012.10.03.- байдлаар 6,7 сая төгрөгийн гэрээний алданги тооцон, нэмэлт ажлын болон хугацаа сунгах гэрээ байгуулагдах шатандаа явж байна.  СБД-ийн удирдлагуудын зүгээс анхны ажлын тоо хэмжээнд тусгагдаагүй, нэмэлт ажил хийлгэсэн нь үндсэн гэрээт ажлын гүйцэтгэлийг удаашруулсан. Нэмэлт ажлын хөрөнгө шийдвэрлүүлэхээр дүүрэг, нийслэлийн төрийн санд хандаж СБД 2012.09.11-ний байдлаар хөрөнгө шийдэгдсэн. Гэтэл гүйцэтгэгчийн санхүүгийн чадвар  , мэргэжлийн боловсон хүчний дутуугаас үлдэгдэл ажлыг дуусгаж чадалгүй ажил зогссон байна.

7.  "Хөвсгөл зам" ХХК  -  Багахангай дүүрэг 1-р хороо хүүхдийн 44-р цэцэрлэгийн барилга

Зөрчил: "Хөвсгөл зам" ХХК 2008 оны 3 сард барилгыг дуусгаж техникийн комисс ажилуулсан. 2008 оны 8- сарын 15-нд улсын комисс ажиллуулж үүрэг даалгавар өгсөн боловч биелүүлээгүй. 2010 оны 4 дүгээр сарын 18-ны 07-394/187 дугаар албан шаардлага өгч суулт өгсөн ханануудыг засуулах үүрэг өгсөн боловч 1 удаа засаад дахин хананд суулт өгсөн. Үүнээс хойш тус компани олдохгүй байна.

8. "Бридж-констракшн" ХХК - Бохир усны Туул-1 коллектор , 34.9 км

Зөрчил: Ажил удааширсан шалтгаан нь : 1. 1,2-р хэсэгт хөрсний ус ихээр гарч байгаа /Анхны зураг төсвөөс зөрүүтэй байсан / 2. 3,4 хэсэгт анхны төлөвлөсөн трассын дагуу газар олголт хийгдсэн боловч газар чөлөөлөх ажил хийгдэхгүй байна. Ажлыг яаралтай дуусгахын тулд захиалагч байгууллагаас ирүүлсэн санал , тооцоог үндэслэн 2013 онд нэмэлт хөрөнгө болох 1.1 тэрбум төгрөгийг Нийслэлийн төсөвт баталсан байна.

9.  "Соёндрийм" ХХК - Налайх дүүрэгт баригдах дүүргийн цэвэр усны ерөнхий шугамыг ус сувгийн худгаас, цэвэр усны станци хүртэл хэсэгчилэн солих, шинээр татах байгуулах ажил

Зөрчил: Захиалагчийн Зүгээс хийгдэх техник хяналтыг дутуу хийсэн. Чанаргүй гүйцэтгэлийг засуулах арга хэмжээ аваагүй. Барилгын тухай хуулийн 15 дугаар зүйлд заасан - Барилгын хөрөнгө оруулагч,  захиалагчийн эрх үүрэг- ийг хангалтгүй гүйцэтгэсэн. Улсын байцаагчийн 2013.07.01-ний 02-07-95/533 албан шаардлагыг хүргүүлсэн боловч хэрэгжүүлээгүй.

Ажлыг хүлээн авсан улсын комиссын бүрэлдэхүүнд ажилласан албан тушаалтан: Улсын комиссын дарга: С.Зоригсайхан, НБД Ж.Мягмарсүрэн, Гишүүд Ц.Цэрэндулам /УСУГ/ Э.Булганчимэг /ОСНААУГ/ Д.Бямбажав /Чандмань Налайх НӨҮГ/ Д.Оюунбилэг /НДТГ/ Я.Бямбадорж /Гүйцэтгэгч/

10.  Гүйцэтгэгч:  "Эм Эм Жи Капитал" ХХК
Зураг төслийг боловсруулсан : "Монхидро констракшн" ХХК -  Нийслэлийн Баянзүрх дүүргийн нутаг дэвсгэрт шинээр баригдаж байгаа "Зүүн уулын үерээс хамгаалах барилга байгууламж" -ийн угсралтын ажил

Зөрчил:  Захиалагчийн зүгээс зураг төсөл боловсруулах явцад газар дээр нь байгаа инженерийн шугам сүлжээг тодруулаагүй, ажил эхлэх үед инженерийн шугам сүлжээний байгууллагатай зөвшилцөөгүй, барилга угсралтын ажил гүйцэтгэх явцад хяналт муу хийгдсэн ба газар дээрхи нөхцөл байдалд инженерийн оновчтой шийдэл гараагүй. Зургийн зохиогчоор хянуулж шийдвэр гаргуулаагүйгээс зөрчил гарсан. "Барилгын тухай "хуулийн 15 дугаар зүйлд заасан, Барилгын хөрөнгө оруулагч , захиалагчийн эрх үүрэг -ийг хангалтгүй гүйцэтгэсэн. Мөн хуулийн 17 дугаар зүйлд заасан үүргээ зургийн зохиогч биелүүлээгүй.Улсын байцаагчийн 2013.08.06 02-07-95/621 тоот албан шаардлага хүргүүлсэн боловч хэрэгжээгүй байна.

11. "Хан хайрхан" ХХК - Биеийн тамир спортын болон боулингийн төвийн барилгын ажил

Зөрчил:  Чанарын шаардлага хангаагүй материалаар хийгдсэн учир дулаан алдалт их, боулингийн машины эд анги эвдэрч эхэлсэн.

Ажлыг хүлээн авсан улсын комиссын бүрэлдэхүүнд ажилласан албан тушаалтан: НХОГ-ын инженер н.Амарзаяа, С.Алтантуяа Багануур дүүргийн ЗДТГ Г.Сүхбаатар Ц.Батболд О.Амартүвшин Д.Хүрэлсүх

12. "Пайонер интерненшнл "ХХК - Олон нийтэд зориулсан усан бассейны барилгын ажил

Зөрчил: Бассейн худагнаас ус алддаг, агааржуулалт дутуу ажилладаг, дотор заслыг чанаргүй материалаар хийсэн, барилгын сууринд суулт өгсөн

Ажлыг хүлээн авсан улсын комиссын бүрэлдэхүүнд ажилласан албан тушаалтан: НХОГ-ын инженер н.Амарзаяа
 С.Алтантуяа Багануур дүүргийн ЗДТГ Г.Сүхбаатар Ц.Батболд О.Амартүвшин Д.Хүрэлсүх