Их, дээд сургууль, коллежид элсэгчдийн ерөнхий шалгалтын бүртгэл өчигдөр дуусгавар боллоо.

Энэ жилийн хувьд 38 мянган төгсөгч бүртгүүлэх урьдчилсан тооцоотой байснаас 37 мянга 400 орчим хүүхэд бүртгүүлсэн байна.

Үүнээс хойш бүртгэлийн хугацааг сунгахгүй, нэмэлт бүртгэл хийгдэхгүй бөгөөд хэрэв тухайн шалгуулагч бүртгүүлэхдээ мэдээллээ буруу өгсөн тохиолдолд ирэх сарын нэгнээс өмнө өөрийн биеэр очиж завсар хийлгэх боломжтой аж.

Түүнчлэн шалгуулагчид энэ жилээс суудлын хуваариа Боловсролын үнэлгээний төвийн www.eec.mn цахим хуудаснаас харахаар болсон байна. Суудлын хуваарь тус цахим хуудсанд ирэх тавдугаар сарын 15-наас тавигдах юм.