Халхын голын дайны ялалтын 75 жилийн ойг угтаж Зайсан дахь Зөвлөлтийн дайчдын хөшөө дурсгалыг сэргээн засварлахаар болжээ.

Энэхүү ажлыг “Улаанбаатар төмөр зам” хувь нийлүүлсэн нийгэмлэг санаачилан хэрэгжүүлж байгаа бөгөөд ирэх тавдугаар сарын 6-нд засварыг дуусгаж, Ялалтын баяраар цэцэг өргөхөд бэлэн болгох төлөвлөгөөтэй байгаа гэнэ.

Түүнчлэн тус нийгэмлэгийн нэгдүгээр орлогч дарга И.А.Домбровский Монгол, Оросын зэвсэгт хүчнүүдийн хамтарсан хээрийн сургуульд дэмжлэг үзүүлж, Халхын голын дайны тухай кино бүтээхэд туслахаа амласан байна.