Нийслэлийн Засаг даргын захирамжаар Улаанбаатар хотын 375 жилийн ойг угтсан ажлыг бэлтгэх, зохион байгуулах, тэмдэглэн өнгөрүүлэх салбар хороодын бүрэлдэхүүнийг байгууллаа.

Ойг тэмдэглэн өнгөрүүлэх ажлыг Төсөв, санхүүгийн асуудал хариуцсан салбар хороо, Зохион байгуулалтын асуудал хариуцсан салбар хороо, Тохижилт, бүтээн байгуулалтын асуудал хариуцсан салбар хороо, Соёл урлаг, спорт, ёслолын арга хэмжээний асуудал хариуцсан салбар хороо, Мэдээлэл сурталчилгаа, хэв журам, аюулгүй ажиллагааг хариуцсан таван салбар хороо зохион байгуулах аж.

Салбар хороодуудад ойн хүрээнд хийх ажлын хөтөлбөрийг боловсруулж, батлуулах үүрэг өгчээ.