Монголын "Кью Эс Си" компани Дарханы Төмөрлөгийн үйлдвэрийг 30 жилийн хугацаатай Концессийн гэрээгээр авлаа гэх мэдээлэл гараад байсан.  Улмаар энэ мэдээллээс улбаалж Дарханы Төмөрлөгийн үйлдвэрийг  хувьчилчихлаа гэж иргэд ойлгоод байгаа. Гэвч энэхүү концессийн гэрээ нь тухайн компанид давуу эрх олгож байгаа хэрэг бөгөөд хувьчилсан зүйл огт байхгүй аж. Тодруулбал,  "Кью Эс Си" компани Засгийн газартай энэ сарын 4-ний өдөр Концессийн гэрээ байгуулсан аж.  Ингэснээр тус компани ирэх 3-4 жилийн дотор Дарханы төмөрлөгийн үйлдвэрийг "Уул уурхай, металлургийн цогцолбор" болгон хөгжүүлэх бүтээн байгуулалтыг хийхээр болжээ.  Тэгэхээр концесийн гэрээнд зааснаар тухайн компани Дарханы төмөрлөгийн үйлдвэрийг өмчлөхгүй. Харин тодорхой нөхцөл, журмын дагуу  үйлдвэрийг нь эзэмших, ашиглах, шинээр бий болгох, шинэчлэн сайжруулах эрхтэй юм байна.