ГССҮТ-ийн захирлын сонгон шалгаруулалт өчигдөр ЭМЯ-нд болж анагаах ухааны доктор, дэд профессор З.Мэндсайхан тус төвийн захирлаар томилогджээ.

Захирлын албан тушаалд Хавдар судлалын үндэсний төв, Монголын Мянганы сорилтын сангийн Эрүүл мэндийн төслийн захирлаар ажиллаж байсан А.Мөнхтайван, Гэмтлийн эмнэлгийн Яаралтай тусламжийн тасгийн эрхлэгчээр ажиллаж байсан Р.Энхсайхан, гавьяат эмч, анагаах ухааны доктор, дэд профессор З.Мэндсайхан нар нэрээ дэвшүүлсэн юм.

Өмнө нь энэ албан тушаалд өрсөлдөх хүмүүст эрүүл мэндийн салбарт удирдах албан тушаал хашиж байсан, докторын зэрэгтэй хүн байх шалгуур тавьж байсан бол  энэ удаа анагаах ухааны боловсролтой, эрүүл мэндийн салбарт 15 ба түүнээс дээш жил ажилласан байх шалгуур тавьсан байна.

Энэхүү шалгуурыг уламжлалт анагаах ухааны эмч З.Мэндсайхан хангасан бөгөөд тэрээр ийнхүү  ГССҮТ-ийн шинэ дарга болжээ.