Энэ сарын 21-ээс ирэх  сарын 02-ны өдрүүдэд Цагдаагийн ерөнхий газарт АНУ-ын Холбооны мөрдөх товчооноос Цагдаагийн байгууллагын алба хаагчдад зориулсан “Цагдаагийн байгууллагын гэмт хэрэгтэй тэмцэх арга зүй, технологийг сайжруулах нь” сэдэвт сургалт зохион байгуулагдаж байна.  Сургалтын сэдэвтэй холбогдох дэлгэрэнгүй мэдээллийг өнөөдөр 11.00 цагт Хууль зүйн үндэсний хүрээлэнгийн хурлын танхимд хийхээр болжээ.

Энэхүү сургалтын хүрээнд АНУ-ын Холбооны мөрдөх товчооны үйл ажиллагааны бүтэц, зохион байгуулалтын талаар болон шинэ төрлийн үндэстэн дамнасан гэмт хэрэгтэй тэмцэх чиглэлээр АНУ-ын ХМТ-ны хэрхэн яаж ажилладаг, гадаад болон дотоодын хууль сахиулах байгууллагуудтай ямар түвшинд хамтран ажилладаг зэрэг сэдвүүдээр харилцан мэдээлэл солилцож, туршлага судлах юм.