Өнгөрсөн жил Сүхбаатарын талбайг Чингис хааны талбай, Хэнтий аймгийн төв Өндөрхааныг Чингис хаан хот болгон зарласан билээ.

Тэгвэл тэдний араас Дорнод аймгийн Халх гол сумын ЗДТГ сумаа Баатар сум гэж нэрлэхээр хүсэлтээ Монгол Улсын Ерөнхийлөгчид хүргүүлжээ.

Учир нь энэ жил Халх голын дайнд Монгол, Зөвлөлтийн арми ялалт байгуулсны 75 жилийн ой тохиож байгаа бөгөөд энэ ойг тохиолдуулан тус сумынхан ийм санаачилга гаргасан байна.