Хорихоос өөр төрлийн ял эдлүүлэх газрын дарга  хурандаа Б.Нямгомбогоос дараах зүйлийг тодрууллаа.

-Хорихоос өөр төрлийн ял хэдэн төрөл байдаг вэ?  
- Өнөөдрийн байдлаар хорихоос өөр төрлийн ялд  торгох, эд хөрөнгө хураах, албан ажил хийлгэх, тодорхой албан тушаа эрхлэх үйл ажиллагаа явуулах эрх хасах гэсэн дөрвөн төрлийн ял багтадаг юм.

- Одоогоор хичнээн хүн хорихоос өөр төрлийн ялыг эдлэж байна вэ?
- Хоригдохгүйгээр  гэр бүл найз нөхөдтэйгээ хамт, олны дунд ажлаа хийгээд явж байгаа 1000 орчим хүн бий. Бид процесын ажиллагаан дээр биечилсэн хяналт тавьж байна.  Цаашид биечилсэн хяналт тавих ажиллагаа боловсронгуй болгох үүднээс техник технологийн дэвшлийг ашиглах суурь судлагааны ажлууд хийгдэж байгаа. Одоогийн байдлаар тодорхой албан тушаал эрхлэх үйл ажиллагаа явуулах  эрх  хасах  ялтай улсын хэмжээнд 788 хүн байгаа. Харин албан ажил хийлгэх 59, торгох ялтай 64, эд хөрөнгө хураах ялтай 111 хүн байна. Эдгээр биелэлтийг хангах ажлуудыг хийж байна.

- Энэ тоог хорих ял  авсан хүмүүстэй харьцуулахад ямар байна вэ?
Одоогийн байдлаар  улсын хэмжээнд 700 мянга орчим ялтан ял эдлэж байгаа гэсэн статистик тоо байгаа. Хохироос өөр төрлийн ял эдлэж байгаа  мянга орчин хүн байгаа.  Улсын дээд шүүхээс гаргасан статистик тоогоор хархад 75-77 орчим хувьд хорих ялыг харин 21-22 орчим хувьд хорихоос өөр төрлийн ялыг өгч байгаа гэсэн тоо баримт байдаг юм.

-Прокуророос хорихоос өөр төрлийн ял эдлэж байгаа хүмүүс хяналтыг тавьдаг уу?  
-Прокурор энэ ялын хэрэгжилтэн дээр хуулийн журмын дагуу хэрэгжиж байна уу гэдэг дээр хяналт тавьдаг. Хяналтын үед гарч байгаа хүндрэл бэрхшээлээ прокурортой хамтарч ажилладаг юм.

-Хугацаанаас өмнө сулагдаад гарч байгаа этгээд дахин гэмт хэрэг үйлдэх байх хяналтыг хаанаас тавьдаг вэ?  
- Хорих ялаас хугацаанаасаа өмнө тэнсэн суллагдсан этгээдүүдэд суллагдсны дараа х цагдаагийн байгууллага хяналтыг тавьдаг юм.

-Хугацаанаас өмнө суллагдлсан хүмүүс эргээд гэмт хэрэг хийх тохиолдол цөөнгүй байдаг. Ямар төрлийн гэмт хэрэг үйлдсэн хүн дахин гэмт хэрэг үйлдэж  байна вэ?
-Ихэвчлэн  хулгайн гэмт хэрэг хийсэн этгээдүүд дахин гэмт хэрэг үйлдэх тохиолдол гардаг. Шүүхийн шийдвэр гүйцэтгэх байгууллагаас  дахин давтаж гэмт хэрэг үйлдэхээс урьдчилан сэргийлэх зорилгоор нийгэмшүүлэх ажлыг хэрэгжүүлж байгаа. Тухайлбал, 2012 тавдугаар сар болон 2013 оны зургадугаар сард мэргэжил сургалтын үйлдвэрийн төвийг байгуулж, найман төрлийн мэргэжлийг олгож эхэлсэн. Энэхүү  сургалтанд хамрагдсан ялтанууд суллагдсныхаа дараа олгосон мэргэжлээр  ажиллаж, амьдрах боломжтой болж байгаа юм.

-Сургалт үйлдвэрийн төвд хамрагдаж байгаа хоригдлууд судлагаа хийж үзсэн үү. Эдгээрийн хийж байгаа бүтээгдэхүүнийг эргэлтэнд оруулж  байгаа юу?
-Олон улсын жишгийг хараад үзэхийн бол ялтны хийсэн хөдөлмөрийн зах зээлд өрсөлдүүлэх хуулиар хориотой байдаг. Бид тухайн ялтны хийсэн хөдөлмөрийг үнэлж бусдад хямд үнээр борлуулах ажлыг зохион байгуулдаг.

-Шоронжсон системээс салж, хорихоос өөр төрлийн ял эдлүүлэх ажиллагаа хийгдэж байгаа. Үүнийгээ сайжруулахын тулд цаашид ямар ажил хийхээр төлөвлөж байна вэ?
-Хууль эрхзүйн орчинд өөрчлөлт ороогүй байна.  Хуулийн төслийн хүрээнд боловсрогдож байгаа.