Сангийн яамны нээлттэй өдөрлөг ирэх бүтэн сайн өдөр буюу энэ сарын 4-ны ням гаригт   “Чингисийн талбай”-д болно. Нээлттэй өдөрлөгт Сангийн яам, Татварын ерөнхий газар, Гаалийн ерөнхий газар, Төрийн банк, Монголын даатгагчдын холбоо, Монголын мэргэшсэн нягтлан бодогчдын институт, Монголын мэргэшсэн үнэлгээчдийн институт  тус тус оролцоно.

Нээлттэй өдөрлөгийн үеэр цахим татварын системийн талаар танилцуулж, татварын зөвлөгөө өгч, автомашины татвар хураах, даатгал хийх үйлчилгээ үзүүлнэ.

Гаалийн газар, хороодтой сүлжээгээр холбогдохоос гадна гаалийн хууль тогтоомж зөрчсөний улмаас хураагдаж, улсын орлого болсон ховор үнэт эдлэлийн үзэсгэлэн гаргаж, мансууруулах бодисын тестерүүд, нефтийн бүтээгдэхүүний актон тодорхойлогч багажийг хэрхэн ашигладаг талаар иргэдэд танилцуулж, сургуультай нохойн үзүүлбэр үзүүлэх юм байна.

Мөн Төрийн банкны “Цахим төгрөг” шинэ бүтээгдэхүүний нээлт хийж, явуулын салбар ажиллуулна. Өдөрлөгийн үеэр сагсан бөмбөг, шатар, дартсын тэмцээн болон гар зургийн уралдаан зохион байгуулж, жижиг дунд үйлдвэрийн хийсэн бүтээлийн үзэсгэлэн яармаг худалдаа зохион байгуулах юм байна.
























    САНГИЙН ЯАМНЫ НЭЭЛТТЭЙ ӨДӨРЛӨГИЙН ХӨТӨЛБӨР
    Хэзээ: 2014 оны 5 дугаар сарын 4-ны өдөр
Хаана: Чингисийн талбай
            
    Эхлэх дуусах цаг    Зохион байгуулах арга хэмжээ    Хариуцах байгууллага
    11.00-11.10    Өдөрлөгийн үйл ажиллагаа, хөтөлбөрийг танилцуулах    Сангийн яам
    11.10-11.30    Урлагийн тоглолт    ТЕГ, ГЕГ
    11.30-11.40    Өдөрлөгийн нээлтийн ажиллагаа     Сангийн яам
    11.40-12.00    Төрийн банкны элч дуучин, элч хамтлагийн урлагийн тоглолт    Төрийн банк
    12.00-12.15    "Цахим төгрөг" шинэ бүтээгдэхүүний нээлтийн ёслол болон Төрийн банкны явуулын салбарын нээлтийн үйл ажиллагаа    Төрийн банк
    12.15-12.30    Цахим татварын системийн танилцуулга, гар утасны апликэшний танилцуулга хийх    ТЕГ
    12.30-12.40    Сангийн яамны бодлого, үйл ажиллагааг сурталчлах, Мэргэшсэн нягтлан бодогч, хөрөнгийн үнэлгээний чиглэлээр зөвлөгөө өгөх    Сангийн яам
    12.40-13.00    Цаасгүй бүрдүүлэлтийн танилцуулга, Гаалийн хууль тогтоомжийн зөрчсөний улмаас хураагдаж улсын орлого болсон ховор үнэт эдлэлийн үзэсгэлэн, мансууруулах бодисын тестерүүд, нефтийн бүтээгдэхүүний актон тодорхойлогч багажийг хэрхэн ашигладаг талаар иргэдэд үзүүлбэр үзүүлэх    ГЕГ
    13.00-13.20    Сангийн яаманд хэрэгжсэн Жижиг дунд үйлдвэрийн нэгжүүдийн хийсэн бүтээлийн үзэсгэлэн яармаг худалдааны үйл ажиллагааг танилцуулах    Сангийн яам
    13.20-16.00    Сагсан бөмбөг, шатар, дартсын тэмцээний нээлт, тоглолтууд    Төрийн банк, ТЕГ, ГЕГ
    16.00-16.30    Гаалийн албаны эрэлч нохойн сургалтын төвийн танилцуулга, эрэлч нохойн үзүүлэх тоглолт    ГЕГ
    16.30-17.00    Сагсан бөмбөг, шатар, дартсын тэмцээн болон гар зургийн уралдааны шагнал гардуулах ёслолын ажиллагаа    Төрийн банк, ГЕГ, ТЕГ
    Өдөрлөгийн үеэр  үзүүлэх үйлчилгээ:    
    11.00-16.30    Сангийн яамны бодлого, үйл ажиллагааг танилцуулах, татвар, гааль, хөрөнгийн үнэлгээний талаар зөвлөгөө өгөх    СЯ, ТЕГ, ГЕГ
        Автомашины татвар хураах, даатгалын үйлчилгээ үзүүлэх    ТЕГ, Даатгал
        Гаалийн газар, хороодтой сүлжээгээр холбогдож, мэдээллийг газар дээрээс нь танилцуулах    ГЕГ
        Компьютер ашиглан CAIS системд холбогдон гаалийн бүрдүүлэлтийн талаар танилцуулах    ГЕГ
        Төрийн банкны явуулын салбар ажиллуулах    Төрийн банк
        Гар зургийн уралдаан зарлан, уралдаанд ирүүлсэн зургийг хүлээн авч, иргэдийн саналыг авах    Төрийн банк
         "Сэтгэл ханамжийн судалгаа" авах, "Санал хүсэлтийн хайрцаг" ажиллуулах    ГЕГ
        Жижиг дунд үйлдвэрийн хийсэн бүтээлийн үзэсгэлэн яармаг худалдаа гаргах    Сангийн яам
            
                               Сангийн яам