Увс аймгийн Прокурорын газар, Цагдаагийн газартай хамтран тус аймгийн Наранбулаг сумын Алдар, Хужирт баг, Тэс, Малчин, Завхан, Тариалан сумын малчдын төлөөлөл оролцсон багийн өдөрлөг зохион байгуулсан байна.

Өдөрлөгийн үеэр Гэмт хэргээс урьдчилан сэргийлэх тухай хууль, тамхины хяналтын тухай хууль, мал хулгайлах гэмт хэргээс урьдчилан сэргийлэх болон аймгийн хэмжээнд үйлдэгдэн гарч буй гэмт хэргийн нөхцөл байдлын талаар мэдээлэл хийжээ.

Дээрх арга хэмжээнд аймгийн Засаг дарга Цэндсүрэн нутгийн өөрөө удирдах ёсны байгууллагын эрх бүхий албан тушаалтнууд болон 5 сумын 500 гаруй иргэд оролцсон байна.