Замын цагдаа нар зөрчил гаргасан жолоочийг бэлэн мөнгөөр торгохгүй бөгөөд тусгай хэвлэгч машины тусламжтайгаар торгууль бичдэг болоод багагүй хугацаа өнгөрлөө.

Тус цахим уншигчаар зөрчил гаргасан жолоочийн иргэний цахим үнэмлэх, жолооны үнэмлэх эсвэл хурууны хээг таниулан тодорхой мөнгөн дүнгээр торгосон баримтыг тэр даруй нь бичил хэвлэгчийн тусламжтайгаар жолоочид гаргаж өгч байгаа. Баримтын дагуу зөрчил гаргасан жолооч торгуулиа төлөх үүрэгтэй юм. Тэгвэл ийн бэлэн мөнгөөр торгууль төлөхөө больсноор ЗЦГ-ын төсөвт оруулсан орлого өнгөрсөн оны мөн үеийнхээс 3 дахин өсч, 1,2 тэрбум төгрөг болсоныг эх сурвалж мэдээлж байна.

Энэ нь зөрчил гаргах, торгууль төлөх жолоолчдын тоо өссөн үү, аль эсвэл замын цагдаа  нар бэлэн мөнгөөр торгууль төлүүлдэг байхдаа хэдэн төгрөг халаасалчихдаг  байсан уу гэдгийг бодолцоход хүргэж байгаа юм.