Швейцарийн хөгжлийн агентлагийн Цөлжилтийг сааруулах төсөл, “Ус ашиглагчдын холбоо” төрийн бус байгууллага хамтран, Ховд аймгийн ногоочдын төмсийг ОХУ-д экспортлох боломж бүрдүүлж өгсөн юм.

Учир нь ногоочдын төмсний үрийн 80 хувийг шинэчилж, өмнөхөөсөө арвин ургац хураадаг болсон ч тэрийгээ борлуулж чаддаггүйн улмаас зоориндоо төмс нь ялзардаг аж. Үүнээс гарах гарц олохын тулд ОХУ-д төмс нийлүүлэх хэлэлцээр хийж, Новосибирск хотын “СЭИК” компанид жил бүр 1000 тонн төмс нийлүүлэх гэрээ байгуулсан байдаг.

Үүний өмнө Ховдын төмсийг ОХУ-д зургаан удаа шинжлүүлэхэд амт, чанар нь сайн гэсэн хариу гарсан тул өнгөрсөн жилээс төмсөө экспортолж эхэлсэн юм. Тэгвэл тус мужаас дахин 1000 тонн төмс худалдан авах гэрээ хийжээ.