Улаанбаатар хотын Захирагчийн Толгойт дахь Ажлын алба “Зөв Монгол хүүхэд” үндэсний хөтөлбөрийн хүрээнд “Толгойтын уянга” яруу найргийн наадмыг өчигдөр зохион байгууллаа.

Энэхүү наадамд Толгойт бүсийн 42, 62, 65, 106, 107, 122, 123 дугаар дунд сургуулийн 50 гаруй авьяаслаг хүүхдүүд оролцсоноос 2-р шатад 25 хүүхэд шалгарчээ.

Наадмын тэргүүн байранд 42-р сургуулийн 11а ангийн сурагч Г.Бадамзул, дэд байранд 122-р сургуулийн 9а ангийн сурагч С.Энхзул, 10а ангийн сурагч Ш.Даваасүрэн, тусгай байранд 62-р сургуулийн 10а ангийн сурагч Д.Ганбаяр, 107-р сургуулийн 11в ангийн сурагч Ц.Долгормаа нар шалгарсан байна. Тус ажлын алба нь өнгөрсөн онд хүүхдүүдийн авьяас чадавхийг хөгжүүлэх зорилгоор “Толгойт” утга зохиолын нэгдэл байгуулан ажиллаж байгаа юм.

Энэхүү утга зохиолын нэгдэлээ улам өргөжүүлэн, авьяаслаг хойч үеийг төлөвшүүлэн, дэмжих зорилгоор уг наадмыг жил болгон уламжлал болгон зохион байгуулна. Мөн “Толгойтын уянга” яруу найргийн наадамд оролцсон нийт хүүхдийн шүлгийг эмхтгэн ном болгож “Хүүхдийн эрхийг хамгаалах өдөр”-өөр хүүхэд, эцэг, эхчүүдийн хамт номын баяр хийхээр төлөвлөжээ гэж Толгойт дахь ажлын албанаас мэдээллээ.