“Skymedia”, “ Univition” гэх компаниуд IP TV-гийн буюу интернет, кабель, суурин утасны гурвалсан үйлчилгээ үзүүлдэг. Тэгвэл бусад компаниудаас Харилцаа холбооны зохицуулах хорооны эсрэг гомдлыг ШӨХТГ-т өгөөд байгаа аж.

Тодруулбал, компаниуд зохих шаардлагыг хангасан байхад ХХЗХ-ноос зөвхөн  дээрх хоёр аж ахуй нэгжид зөвшөөрөл өгч, бидэнд зөвшөөрөл өгөхөөс татгалзаад байна гэх гомдлыг өгчээ. Энэ дагуу ШӨХТГ-аас шалгалтыг хийхэд компаниудын гомдол үндэслэлтэй  гэдэг нь тогтоогджээ. Учир нь ХХЗХ-ноос зөвхөн дээрх хоёр компанид давуу эрх олгож, бусад IPTV-гийн үйлчилгээ  үзүүлэх компаниудад эрх өгөхгүй байна гэж тэд үзэж байгаа аж.

Тиймээс ШӨХТГ-аас Харилцаа холбооны зохицуулах хороонд албан шаардлагыг хүргэсэн байна. Харин ХХЗХ-ноос шаардлагын дагуу IPTV-гийн үйлчилгээ үзүүлэх байгууллагыг дахин сонгон шалгаруулах тендер зарлажээ.