НИТХ-аас аж ахуй нэгж байгууллага, томоохон зах худалдааны төвүүдийн ариун цэврийн өрөөг үнэ төлбөргүй болгох шийдвэрийг гаргасан. Энэ ажил өнгөрсөн хоёрдугаар сараас мөрдөгдөж эхэлсэн. Тэгвэл уг шийдвэрийг үл биелүүлж, хэрэглэглэгчийн эрхийг зөрчиж байгаа газрууд байсаар байгааг ШӨХТГ-аас онцоллоо. Тэр дундаа томоохон худалдааны төвүүд болох “Барс 2”, “Нарантуул”, “Алтжин Бөмбөгөр” зэрэг захууд ариун цэврийн өрөөгөө үнэ төлбөргүй болгохгүй байгаа аж. Тиймээс үнэ төлбөртэйгээр ариун цэврийн өрөөгөө ашиглуулж байгаа гэх “Барс 2” захыг хөдөлмөрийн хөлсний доод хэмжээг тав дахин нэмэгдүүлсэнтэй тэнцэх буюу 784 мянган төгрөгөөр торгох шийдвэр гаргасан бол “Нарантуул”, “Бөмбөгөр” зэрэг газруудад улсын байцаагчийн шаардлага хүргүүлээд байгаа аж.

Юутай ч ИТХ-аас гаргасан журмыг 20 орчим компани хэрэгжүүлж,  10 орчим газрууд биелүүлэхгүй байгаа гэнэ.