Уламжлал болсон “Ерөнхий сайдын 30 минут” уулзалт өнөөдөр Мэдээллийн технологийн үндэсний паркад боллоо. Ерөнхий сайдын санаачлагаар тус паркийг бүрэн шинэчилсэн бөгөөд өнөөдрөөс “Монгол толгой – Силикон хаус” нэртэйгээр үйл ажиллагаагаа эхлүүлж байгаа юм.
Энэ үеэр Ерөнхий сайд Н.Алтанхуяг “Бид жил гаруйн өмнөөс эхлүүлсэн ажлынхаа ард гарлаа. Тэр нь манай залуучууд, монгол толгойнууд оюун ухаанаа задлах, дэлхийд өрсөлдөх хэмжээний бүтээгдэхүүнийг хийх мэдээлэл технологийн салбарт хүчээ сорих нөхцөлийг бий болгох юм. Энэ барилга хуучин Мэдээлэл технологийн үндэсний парк нэртэй байсан. Харин өнөөдрөөс эхлэн “Монгол толгой-Силикон хаус” нэртэй боллоо. Бусад улс орон тухайлбал АНУ мэдээллийн технологийг хөгжүүлэхийн тулд нэг байшин биш бүхэл бүтэн хот тосгон бий болгосон байдаг. Бид ямар ч байсан өөрсдийнхөө хэмжээнд нэг сайхан байшинтай боллоо. Энэ чиглэлээр үйл ажиллагаа явуулдаг аж ахуй нэгжүүд энд ирж хоёр жил гаруй хугацаанд хөнгөлөлттэй нөхцөлөөр байрлан мэдээллийн технологийн салбарт олон шинэ зүйл бүтээх нөхцөлийг нь бүрдүүлж байгаа юм” гэлээ.
“Монгол толгой-Силикон хаус”-ыг засч тохижуулахад улсын төсвөөс гурав
орчим тэрбум төгрөгийг зарцуулсан бөгөөд энд инкубатор орчин, сургалтын
төв, номын сан, компьютерийн лабораториудыг байгуулжээ.
24tsag.mn
Сэтгэгдэл (3)