"Өмнөд Монголоо хамгаалья" ТББ-ын залуусын төлөөлөл өнгөрсөн баасан гарагт мэдээлэл хийлээ. Тэд энэ үеэр хуулийн байгууллагаас Өвөрмонгол иргэдийг ихээхэн гадуурхадаг талаар онцлов. Энэ талаар тус ТББ-ын гишүүн Н.Сарнай хэлэхдээ "Н.Алхбаатар Монгол Улсад амьдрах чин хүсэлтэй залуу. Хятадад Өвөрмонгол иргэдийн эрх маш их зөрчигддөг. Алхаа хятад хүн биш, Өвөрмонголын иргэн. "Монголдоо цуглацгаая" гэж дээр, дооргүй ярьдаг хэрнээ түүнд яагаад Монгол иргэншил өгч болохгүй байна вэ. Хэрэв түүнийг хилээр гаргавал Хятадад зулын гол болно гэдгээ мэдэгдсэн" гэв. Харин Иргэний харьалал, шилжилт хөдөлгөөний ерөнхий газраас Н.Алхбаатарыг албадан гаргах шийдвэрээ түр хойшлуулсан юм.