Анхан болон давж заалдах шатны шүүхийн шүүгчид Монгол Улсын Ерөнхийлөгчийн зарлигийг гардаж авах ажиллагаа өчигдөр боллоо. Энэхүү арга хэмжээнд Монгол Улсын Ерөхийлөгчийн Хүний эрх хуулийн бодлогын зөвлөх Ч.Өнөрбаяр, ШЕЗ-ийн дарга Н.Лүндэндорж нар болон бусад албаны хүмүүс оролцсон юм. Энэ үеэр Шүүхийн Ерөнхий зөвлөлийн дарга Н.Лүндэндорж “Өмнө нь шүүгчийг сонгон шалгаруулахдаа тухайн хүний мэдлэг, чадварыг ерөнхийд нь үнэлдэг байсан. Харин Шүүгчийн эрх зүйн байдлын тухай хуулиар шүүгчдийг сонгон шалгаруулах үйл ажиллагаа маш нарийн болсон. Тэр нарийн шалгуурыг давж үнэмлэхээ гардаж буй энэ шүүгчдээс ард түмэн шударга, чанартай үйлчилгээг хүлээж байгаа” гэдгийг онцолж байсан юм. Харин Дүүргийн эрүүгийн хэргийн анхан шатны нэгдүгээр шүүхийн ерөнхий шүүгчээр томилогдсон М.Алдар хэлэхдээ “Иргэдийг шүүхэд итгэх итгэлийг нэмэгдүүлэх, шүүхийн ажиллагааг олон нийтэд ил тод байлгах асуудлыг цаашид сайжруулж ажиллана” гэв. Н.Лүндэндорж: Монгол Улсад 400 гаруй шүүгч ажиллаж байна
Шүүхийн ерөнхий зөвлөлийн дарга Н.Лүндэндоржоос дараах зүйлийг тодрууллаа.
Шүүхийн шинэчлэлийн хүрээнд сонгон шалгаруулалт явагдаж байна. Сонгон шалгаруулалтыг шударга бусаар явагдаж, нууц санал хураалтаар далд явагдсан гэж байна. Энэ үнэн үү?
-Хүний нөөцийн шинэтгэл нь өөрөө их зовлонтой, хүний эрх ашгийг хөндөж байдаг. Хүссэн бүх хүн тухайн албан тушаалд томилогдож ажиллах бололцоо байдаггүй. Шүүгчийн сонгон шалгаруулалтын үйл ажиллагааг хардаж байгаа зүйлтэй гэж байна. Манай байгууллагын үйл ажиллагаанд олон нийтийн хяналт байх биднийг ажиллахад тус дэм болно гэж бодож байна.
-Шүүгчийн сонгон шалгаруулалт журмын дагуу сайн явагдсан гэж байна. Өмнө шүүхийн сонгон шалгаруулалт яаж явагдаг байсан вэ?
-Өмнө шүүгчийг сонгон шалгаруулахдаа зөвхөн мэдлэг чадварын шалгадаг байсан. Одоо шинэ сонгон шалгаруулалтын журманд мэдлэг чадварын шалгахаас гадна бичиг чадвар, шүүгчийн ёсзүй, зан төлөв гэх мэт зүйлийг шалгаж байгаараа давуу талтай юм.
-Шүүгчид улс төрийн нам хүчний нөлөөнд автахгүй байх гэсэн баталгаа байгаа юу?
- Шүүгчийн тангараг дотор зөвхөн хуульд үйлчилж ажиллана гэсэн үг байдаг юм.
-Одоогоор хичнээн шүүгч ажиллаж байна вэ?
-Монгол Улсад 400 гаруй шүүгч ажиллаж байна.
Шүүхийн ерөнхий зөвлөлийн дарга Н.Лүндэндоржоос дараах зүйлийг тодрууллаа.
Шүүхийн шинэчлэлийн хүрээнд сонгон шалгаруулалт явагдаж байна. Сонгон шалгаруулалтыг шударга бусаар явагдаж, нууц санал хураалтаар далд явагдсан гэж байна. Энэ үнэн үү?
-Хүний нөөцийн шинэтгэл нь өөрөө их зовлонтой, хүний эрх ашгийг хөндөж байдаг. Хүссэн бүх хүн тухайн албан тушаалд томилогдож ажиллах бололцоо байдаггүй. Шүүгчийн сонгон шалгаруулалтын үйл ажиллагааг хардаж байгаа зүйлтэй гэж байна. Манай байгууллагын үйл ажиллагаанд олон нийтийн хяналт байх биднийг ажиллахад тус дэм болно гэж бодож байна.
-Шүүгчийн сонгон шалгаруулалт журмын дагуу сайн явагдсан гэж байна. Өмнө шүүхийн сонгон шалгаруулалт яаж явагдаг байсан вэ?
-Өмнө шүүгчийг сонгон шалгаруулахдаа зөвхөн мэдлэг чадварын шалгадаг байсан. Одоо шинэ сонгон шалгаруулалтын журманд мэдлэг чадварын шалгахаас гадна бичиг чадвар, шүүгчийн ёсзүй, зан төлөв гэх мэт зүйлийг шалгаж байгаараа давуу талтай юм.
-Шүүгчид улс төрийн нам хүчний нөлөөнд автахгүй байх гэсэн баталгаа байгаа юу?
- Шүүгчийн тангараг дотор зөвхөн хуульд үйлчилж ажиллана гэсэн үг байдаг юм.
-Одоогоор хичнээн шүүгч ажиллаж байна вэ?
-Монгол Улсад 400 гаруй шүүгч ажиллаж байна.
