БНСУ-ын KOICA-гийн тусламжаар баригдсан хог хаягдал дахин боловсруулах үйлдвэр энэ сард  ашиглалтад орох гэж байгаа билээ.

Тус үйлдвэр нь өдөрт 50-60 тонн хог хаягдлыг ангилан ялгаж 200 кг гялгар уутыг бутлан 1 тонн гаруй  шахмал түлш үйлдвэрлэх хүчин чадалтай юм.

Нарангийн энгэрийн хогийн цэгт байрладаг уг үйлдвэр гялгар болон  цаасан уутыг дахин боловсруулж, шахмал түлш үйлдвэрлэх ажээ. Энд үйлдвэрлэсэн шахмал түлшээр сургууль цэцэрлэгийн нам даралтын зуухыг халаах боломжтой бөгөөд нүүрснээс  нэг дахин илүү илчлэгтэйгээрээ онцлог юм.

Хог боловсруулах үйлдвэрт нийт 60 ажилчин 2 ээлжээр ажиллахаар байгаа нь тус хогийн цэгийн орчимд амьдардаг хөдөлмөрийн чадвартай иргэдэд чиглэсэнээрээ давуу талтай. 

Ийнхүү хог үнэ цэнэгүй байдаг үе ард хоцорч гялгар уутаар халаалтаа шийдэх түлшийг тун удахгүй үйлдвэрлэж эхлэх юм байна.