БОНХЯ өнгөрсөн онд Говь-Алтай аймгийн Цээл суманд үйл ажиллагаа явуулдаг "Алтайн Хүдэр" ХХК-д шалгалт хийсэн билээ. Ингэхдээ Бургастайн боомт хүртэл хүнд даацын автомашин явах 168 км замын 60 хувийг 2013 онд,  үлдсэн 40 хувийг 2014 онд хийж гүйцэтгэхийг даалгасан юм.

Тэгвэл ОНХЯ-ны Төрийн нарийн бичгийн дарга Ж.Батболд тус аймагт ажиллах үеэрээ өгсөн үүрэг даалгаварынхаа биелэлттэй танилцжээ. "Алтайн Хүдэр" ХХК одоогоор 3.1 км цементэн хучилттай  автозам тавьсан бөгөөд энэ онд өөрийн хөрөнгөөр 104 км авто замыг  асфальт бетонон хучилттай хийж дуусгахаар төлөвлөжээ. Харин үлдсэн 64 км авто замыг дотоодын компаниар гүйцэтгүүлэхээр гарц хайж байгаа гэнэ. Энэ үеэр төрийн нарийн бичгийн дарга Ж.Батболд замыг энэ онд багтаан дуусгаахгүй бол уурхайн үйл ажиллагааг хаахыг дахин сануулжээ.

"Алтайн Хүдэр" ХХК-ийн байгаль орчинд учруулсан хохирлын нийт хэмжээ 3.8 тэрбум төгрөгт хүрч, байгаль орчны нөхөн сэргээлтийн зардал 262 сая төгрөг зарцуулах шаардлагатай гэсэн тооцоо гараад байгаа аж.