Өчигдөр хаврын адаг сарын шинийн 15 буюу Бурхан багшийн их дүйчин өдөр тохиолоо. Бурхан багшийн эхээс мэндэлсэн, бурхны хутгийг олж гэгээрсэн, нярваан дүр үзүүлсэн гурван их үйл давхцдаг энэ өдөр сүсэгтэн олон буян номын үйлд шамдан хоол ундаа зохицуулах уламжлалтай. Тэгвэл жил бүрийн их дүйчин өдөр зохион байгуулдаг “Гэрэлт зул" өргөх ёслол өчигдөр уламжлал ёсоор Төв цэнгэлдэх хүрээлэнд боллоо. Ийнхүү хүслээ шивнэн хөөргөдөг гэрэлт зулын ёслол манайд сүүлд орж ирсэн бөгөөд энэхүү ёслолоос их хэмжээний хог үлдсээр байгаа нь иргэдийн бухимдлыг төрүүлсээр байна. Бухимдсан иргэд хог тарьж буян үйлдэх нь хэр зохистой вэ? гэдэг асуултын хамт дараах зургуудийг нийтэлжээ.