Өнгөрсөн жилээс эхлэн замын хөдөлгөөний дүрэм зөрчин, хөдөлгөөнд саад учруулсан автомашиныг ачиж байгаа. Тэгвэл 24tsag.mn сайт энэ талаарх дэлгэрэнгүй мэдээллийг хүргье.

Таны автомашиныг дараах тохиолдолд ачих буюу журамлана. Үүнд:

-Нийтийн эзэмшлийн зам, зорчих хэсгийн болон хориглосон тэмдэг, тэмдэглэлтэй газарт замын хөдөлгөөний дүрэм зөрчин зогссон,

-төрийн хамгаалалт, баяр ёслолын арга хэмжээний үеэр замын хөдөлгөөнд саад учруулсан,

-зам тээврийн ослын улмаас хөдлөх боломжгүй болсон, мөн согтууруулах ундааны зүйл хэрэглэн тээврийн хэрэгсэл жолоодсон

Ингэхдээ автомашины хөдөлгүүрийн багтаамжаас хамаарч 900сс-2500сс багтаамжтай бол 70 000 төгрөг, 2500-3900сс багтаамжтай бол 75 000 төгрөг, 3900-аас дээш бол 80 000 төгрөг байхаар тогтоосон байдаг. Замын хөдөлгөөний дүрэм зөрчин зогссон тээврийн хэрэгслийг Замын Хөдөлгөөний Удирдлагын Төвийн ачигч автомашин зөөж шилжүүлсэн бол ачилтын төлбөрийг Нийслэлийн Төрийн сангийн дансанд, харин гэрээгээр ажилладаг бусад байгууллагын  автомашины зөөвөрлөсөн төлбөр тухайн байгууллагынхаа дансанд төвлөрдөг байна.

24tsag.mn