Монгол Улс дахь хүний эрх, эрх чөлөөний байдлын талаархи илтгэлийн танилцуулах уулзалт өчигдөр төрийн ордны иргэний танхимд боллоо.

Уулзалтанд Хүний эрхийн үндэсний комисс болон хүний эрхийг хамгаалах чиглэлээр үйл ажиллагаа явуулж байгаа 70 гаруй иргэний нийгмийн байгууллагын төлөөлөл оролцсон байна. Энэ үеэр хүний эрхийн нөхцөл байдалтай холбоотой янз бүрийн байр суурь, олон санал шүүмжлэл өрнөжээ.

Харин хуулийн байгууллагын үйл ажиллагаанд хүний эрхийг зөрчих, эрүүдэн шүүх, хүчирхийлэл үйлдэх нөхцөл эргээд үүсч эхэлсэнтэй ХЭҮК болон иргэний нийгмийн байгууллагын төлөөлөгчид санал нэгджээ. Тодруулбал Прокурорын дэргэдэх мөрдөх албыг татан буулгаж АТГ, Цагдаагийн байгууллагад шилжүүлсэн нь ухралт болсон гэж үзэж байна. Төрийн албан хаагчийн зүгээс хүчирхийлэл үйлдэж, зүй бус харьцсан хэргийг хараат бусаар мөрдөн шалгадаг байгууллаггүй болсон байна. Уг нь энэ байгууллага хараат бус, эрүүдэн шүүх элементүүдийг таслан зогсоох үйл ажиллагаа явуулдаг институт байжээ гэж тэд дүгнэж байна. Энэ байгууллагыг татаж буулгаж хараат, ашиг сонирхолын зөрчилтэй цагдаагийн байгууллага АТГ-т эрхийг нь шилжүүлсэн нь ухралт болсон гэдэгтэй уулзалтанд оролцогчид санал нэгджээ. Энэ асуудлаас гадна зургаан зүйл зөвлөмжийг УИХ-д хүргүүлэхээр болсон байна.